പാലക്കാട്: തിരഞ്ഞടുപ്പ് ഫലം വരുന്നതിനു മുമ്പേ എ വിജയരാഘവന് അഭിവാദ്യവുമായി ഫ്ലക്സ് ബോർഡ്.
സിപിഎം പ്രവർത്തകർ.‘നിയുക്ത എംപി’യാക്കി അഭിവാദ്യമര്‍പ്പിച്ചാണ് ഫ്ലക്സ് ബോര്‍ഡ് വെച്ചത്. പാലക്കാട് എടത്തനാട്ടുകര പൊന്‍പാറയിലാണ് ഫ്ലക്സ് ബോർഡ് വെച്ചത്.
പാലക്കാട് സിറ്റിങ്ങ് എംപി കോണ്‍ഗ്രസിന്റെ വി കെ ശ്രീകണ്ഠനാണ് എ വിജയരാഘവന്റെ എതിരാളി. കഴിഞ്ഞ തവണ വി കെ ശ്രീകണ്ഠൻ സിപിഎമ്മിലെ എം ബി രാജേഷിനെ 11637 വോട്ടുകള്‍ക്ക് പരാജയപ്പെടുത്തിയാണ് സീറ്റ് പിടിച്ചെടുത്തത്.
പൊന്‍പാറ ബൂത്ത് രണ്ട്, മൂന്ന് കമ്മിറ്റികളുടെ നേതൃത്വത്തിലാണ് എ വിജയരാഘവന്റെ ഫ്ലക്സ് സ്ഥാപിച്ചത്. ഫലപ്രഖ്യാപനത്തിന് മുമ്പ് അത്തരത്തില്‍ ബോര്‍ഡ് വെക്കാന്‍ നിര്‍ദേശം നല്‍കിയിട്ടില്ലെന്നാണ് സിപിഎം നേതൃത്വം വ്യക്തമാക്കിയത്.പ്രവര്‍ത്തകരുടെ ആവേശംകൊണ്ട് ചെയ്തതാണെന്നും നേതൃത്വം വിശദീകരിക്കുന്നു.
