റിയാദ് : റിയാദിലേ അറിയപ്പെടുന്ന സംഗീത കൂട്ടായ്മയായ റിയാദ് ഇന്ത്യൻ മ്യൂസിക് ലവേഴ്സ് അസോസിയേഷൻ(റിംല ) 6-ാം മത് വാർഷികാഘോഷങ്ങളുടെ ഭാഗമായി നടത്തുന്ന പുതുവെള്ളൈമഴൈ എന്ന സംഗീത പരിപാടി മെയ്‌ 17 നു അൽ മാലി കൺവെൻഷൻ സെന്ററിൽ വെച്ച് വൈകിട്ട് ഏഴു മണി മുതൽ നടക്കുമെന്ന് റിംല ഭാരവാഹികൾ പത്രകുറിപ്പിലൂടെ അറിയിച്ചു.
പ്രശസ്ത തെന്നിന്ത്യൻ ഗായകൻ ഉണ്ണിമേനോൻ നയിക്കുന്ന പുതുവെള്ളൈമഴൈ എന്ന സംഗീത പരിപാടി റിയാദിലെ സംഗീത പ്രേമികൾക്ക് ഒരു നവ്യാനുഭവം ആയിരിക്കുമെന്ന് റിംല ഭാരവാഹികൾ പറഞ്ഞു. നാട്ടിൽ നിന്നും വരുന്ന മ്യൂസിക് ബാൻഡിന് പുറമെ റിയാദിലെ റിംല ഓർക്കേസ്ട്ര ടീമും ചേർന്നൊരുക്കുന്ന ലൈവ് ഓർക്കേസ്ട്ര ആയിരിക്കും പ്രോഗ്രാമിന് ഉണ്ടാകുക.
സൗദി അറേബ്യ എന്റർടൈൻമെന്റ് അതോറിറ്റിയുടെ ലൈസൻസ് പ്രോഗ്രാമിന് ലഭിച്ചതായും, പ്രോഗ്രാമിലേക്കുള്ള പ്രവേശനം തികച്ചും സൗജന്യമായിരിക്കുമെന്നും ഭാരവാഹികൾ അറിയിച്ചു.
