പത്തനംതിട്ട: പ്രായപൂർത്തിയാകാത്ത പെൺകുട്ടിയെ ലൈംഗികമായി പീഡിപ്പിച്ച യുവാവ് അറസ്റ്റിൽ. പത്തനംതിട്ട കിടങ്ങന്നൂർ സ്വദേശിയായ സോനു വർഗീസ് (22 ) ആണ് അറസ്റ്റിലായത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
ആറന്മുള കുറിച്ചുമുട്ടം സ്വദേശിനിയും വിദ്യാർഥിനിയുമായ പതിനഞ്ചുകാരിയാണ് ലൈംഗിക പീഡനത്തിനിരയായത്. ഒരു വർഷം മുൻപ് പരിചയപ്പെട്ട പെൺകുട്ടിയെ പ്രതി വിവാഹ വാഗ്ദാനം നൽകി ലൈംഗികമായി പീഡിപ്പിക്കുകയായിരുന്നു.
ഓഗസ്റ്റ് 26ന് വൈകിട്ട് സ്കൂളിൽ നിന്നും മടങ്ങിയ പെൺകുട്ടിയെ സോനു വഴിയിൽ തടഞ്ഞ് കയ്യേറ്റം ചെയ്തതോടെ കുട്ടിയുടെ മാതാപിതാക്കൾ ആറന്മുള പോലീസിൽ പരാതി നൽകി. ഇതിന്ന് പിന്നാലെയാണ് പീഡന വിവരം പുറത്തുവന്നത്.
പെൺകുട്ടിയെ കൗൺസിലിംഗിന് വിധേയയാക്കിയതോടെയാണ് ലൈംഗിക പീഡനം നടന്ന വിവരം വ്യക്തമായത്. കേസ് രജിസ്റ്റർ ചെയ്ത് അന്വേഷണം നടത്തിയ പോലീസ് കുറിച്ചിമുട്ടത്ത് നിന്നും യുവാവിനെ പിടികൂടി. പോക്സോ അടക്കമുള്ള വകുപ്പുകൾ ചുമത്തി കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. പത്തനംതിട്ടയിലെ ജയിൽ ഇല്ലാത്തതിനാൽ കൊട്ടാരക്കര ജയിലിലേക്ക് മാറ്റി.
പത്തനംതിട്ട കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. പത്തനംതിട്ടയിൽ ജയിൽ ഇല്ലാത്തതിനാൽ കൊട്ടാരക്കര ജയിലിലേക്ക് മാറ്റി. പത്തനംതിട്ട ഡിവൈ എഎസ് പി കെ നന്ദകുമാറിന്റെ നിർദേശപ്രകാരം ആറന്മുള പോലീസ് സ്റ്റേഷൻ ഇൻസ്പെക്ടർ സി കെ മനോജിൻ്റെ നേതൃത്വത്തിലുള്ള സംഘമാണ് കേസ് അന്വേഷിച്ചത്.
