‘അങ്ങേയറ്റം പ്രതിഷേധാര്‍ഹം; ചിലര്‍ ജനാധിപത്യത്തെയാണ് ചോദ്യം ചെയ്യുന്നത്’
കോഴിക്കോട്: വോട്ടര്‍ പട്ടികയില്‍ നിന്ന് പേര് നീക്കം ചെയ്തതില്‍ പ്രതിഷേധിച്ച്‌ നടി സുരഭി ലക്ഷ്മി. വോട്ടര്‍ പട്ടികയില്‍ നിന്ന് തന്റെയും സഹോദരിയുടേയും പേരുകള്‍ വ്യാജ പരാതി നല്‍കി ചില തത്പര കക്ഷികള്‍ നീക്കം ചെയ്യിച്ചുവെന്ന് ദേശീയ ചലച്ചിത്ര അവാര്‍ഡ് ജേതാവായ സുരഭി പറയുന്നു.
സുരഭിയുടെ ഫേസ്ബുക്ക് പോസ്റ്റിൽ നിന്ന്:
നരിക്കുനി ഗ്രാമപഞ്ചായത്തില്‍ പതിനൊന്നാം വാര്‍ഡില്‍, ബൂത്ത് 134 ല്‍ വോട്ടറായ ഞാന്‍, അമ്മയുടെ ചികിത്സാവശ്യാര്‍ത്ഥം താല്ക്കാലികമായി താമസം മാറിയപ്പോള്‍, ഞാന്‍ സ്ഥലത്തില്ല എന്ന പരാതി കൊടുപ്പിച്ച്‌, എന്നെയും ചേച്ചിയെയും വോട്ടര്‍ പട്ടികയില്‍ നിന്നും, ഹിയറിങ്ങ് പോലും നടത്താതെ ഒഴിവാക്കിച്ച നടപടി അങ്ങേയറ്റം പ്രതിഷേധാര്‍ഹമാണ്. ഒരു പൗരന്റെ ജനാധിപത്യാവകാശം ഹനിക്കാന്‍ കൂട്ടുനിന്ന ‘ചില തല്‍പരകക്ഷികള്‍” ജനാധിപത്യത്തെയാണ് ചോദ്യം ചെയ്യുന്നത്.
