എല്‍ ക്ലാസിക്കോ പോരാട്ടത്തില്‍ ബാഴ്സലോണയെ തോല്‍പ്പിച്ച്‌ റയല്‍ മഡ്രിഡ്. ശനിയാഴ്ച നടന്ന മത്സരത്തില്‍ എതിരില്ലാത്ത ഒന്നിനെതിരെ രണ്ടു ഗോളുകള്‍ക്കായിരുന്നു മാഡ്രിഡിന്‍റെ വിജയം. ഇത് തുടര്‍ച്ചയായ മൂന്നാം മത്സരത്തിലാണ് റയല്‍ മാഡ്രിഡ് ബാഴ്സലോണയെ തോല്‍പ്പിക്കുന്നത്.
കരീം ബെന്‍സേമ (13), ടോണി ക്രൂസ് (28) എന്നിവരാണ് റയലിന് വേണ്ടി ഗോളുകള്‍ നേടിയത്. അറുപതാം മിനിറ്റില്‍ ഓസ്കര്‍ മിംഗ്വേസ ബാഴ്സയുടെ ആശ്വാസഗോള്‍ നേടി. 89-ാം മിനിറ്റില്‍ റയലിന്‍റെ കസമീറോ ചുവപ്പ് കാര്‍ഡ് കണ്ട് പുറത്തായെങ്കിലും മുതലാക്കാന്‍ ബാഴ്സയ്ക്കായില്ല.
എല്‍ ക്ലാസിക്കോയില്‍ നേടിയ ജയം റയലിന്‍റെ കിരീടപ്പോരാട്ടത്തിലേക്കുള്ള കുതിപ്പിന് ഊര്‍ജം പകരും. ജയത്തോടെ റയല്‍ മാഡ്രിഡ് 66 പോയിന്‍റുമായി അത്‌ലറ്റിക്കോ മാഡ്രിഡിന് ഒപ്പം ഒന്നാമത് നില്‍ക്കുകയാ‌ണ്. 65 പോയിന്‍റുമായി ബാഴ്സലോണ മൂന്നാമതുണ്ട്.
