തിരുവനന്തപുരം : അഭ്യൂഹങ്ങൾ പ്രചരിക്കുന്നതിനിടെ മണിയൻ പിള്ള രാജു ഡബ്ബിങ്ങിനായി ചിത്രാഞ്ജലി സ്റ്റുഡിയോയിൽ എത്തി. കോവിഡും ന്യുമോണിയയും ബാധിച്ചു അദ്ദേഹം ചികിത്സയിൽ ആയിരുന്നു.
അദ്ദേഹത്തിന്റെ ആരോഗ്യനില മോശമാണെന്ന തരത്തില്‍ വാര്‍ത്തകളും പ്രചരിച്ചിരുന്നു. ഇതിനെതിരെ അദ്ദേഹത്തിന്റെ മകനും രംഗത്തെത്തിയിരുന്നു. സംഗീതാ 4 ക്രിയേഷൻസിന്‍റെ ബാനറിൽ സി.ആർ. അജയകുമാർ സംവിധാനം ചെയ്യുന്ന ‘സുഡോകുൻ ” എന്ന സിനിമയുടെ ഡബ്ബിങ് ആണ് അദ്ദേഹം പൂർത്തിയാക്കിയത്. പൂർണ ആരോഗ്യവാനായി തന്നെയാണ് സ്റ്റുഡിയോയിൽ എത്തിയത് .
