കളിച്ചു കൊണ്ടിരിക്കുന്ന കുട്ടിയുടെ ദേഹത്ത് ജെ.സി.ബി.യുടെ ടയർ വീണു മരിച്ചു.

മുക്കം: മുറ്റത്ത് കളിച്ച് കൊണ്ടിരികുകയായിരുന്ന കുട്ടിയുടെ ദേഹത്ത് ജെ.സി.ബി.യുടെ ടയർ വീണ്‌ കുട്ടിക്ക് ദാരുണാന്ത്യം.

ചെറുവാടി കണ്ടാംപറമ്പിൽ കൊന്നാലത്ത് അബ്ദുൽ മജീദിൻ്റെ മകൻ നാഫി അബ്ദുല്ല (4) യാണ് മരിച്ചത്. ജെ.സി.ബി.ഡ്രൈവറായ പിതാവ് വീടിൻ്റെ പിറക് വശത്ത് ചാരി വച്ചിരുന്ന ടയർ അബദ്ധവശാൽ , കളിച്ച് കൊണ്ടിരികുകയായിരുന്ന കുട്ടിയുടെ ദേഹത്തേക്ക് വീഴുകയായിരുന്നു.
കുറച്ച് സമയത്തിന് ശേഷം ഭക്ഷണം നൽകാൻ തിരക്കിയപ്പോയാണ് വീട്ടുകാർ അപകടം കണ്ടത്. ഉടൻ മെഡിക്കൽ കോളേജിൽ എത്തിച്ചെങ്കിലും മരണം സംഭവിച്ചിന്നു.
മാതാവ്: ബുഷ്റ കൂളിമാട്
സഹോദരങ്ങൾ:ആയിശ ഫൈഹ, മുഹമ്മദ്