മലപ്പുറം: നഗരസഭയിലെയും സമീപ പഞ്ചായത്തിലെയും ഭിന്നശേഷിക്കാര്‍ക്ക് പ്രത്യേക വാക്സിനേഷന്‍ ക്യാമ്പ് നടത്തി.നഗരസഭയുടെ നേതൃത്വത്തില്‍ സ്പോട്ട് രജിസ്ട്രേഷന്‍ നടത്തിയാണ് വാക്സിന്‍ നല്‍കിയത്.
ജനപ്രതിനിധികള്‍ക്ക് പുറമേ ട്രോമാകെയര്‍, ആര്‍.ആര്‍.ടി വളന്‍റിയര്‍മാര്‍, ആശ വര്‍ക്കര്‍മാര്‍ എന്നിവര്‍ വീല്‍ചെയറിലും സ്ട്രെച്ചറുകളിലുമായി എത്തിയ രോഗികളെ കൊണ്ടുവന്നു പങ്കെടുപ്പിച്ചു. ക്യാമ്പില്‍ മുഴുവന്‍ പേര്‍ക്കും ഒന്നാംഘട്ട വാക്സിനേഷന്‍ നടത്തി.
നഗരസഭ ചെയര്‍മാന്‍ മുജീബ് കാടേരി ഉദ്ഘാടനം ചെയ്തു. സ്ഥിരംസമിതി അധ്യക്ഷരായ പി.കെ. സക്കീര്‍ ഹുസൈന്‍, പി.കെ. അബ്ദുല്‍ ഹക്കീം, സിദ്ദീഖ് നൂറേങ്ങല്‍, മറിയുമ്മ ശരീഫ്, സി.പി. ആയിശാബി, കൗണ്‍സിലര്‍മാരായ മഹമൂദ് കോതേങ്ങല്‍, ശിഹാബ് മൊടയങ്ങാടന്‍, സി.കെ. സഹീര്‍, ശാഫി മൂഴിക്കല്‍, സമീറ മുസ്തഫ, പി.സ്.എ ഷബീര്‍ എന്നിവര്‍ സംബന്ധിച്ചു.
