അരിസോണ (അമേരിക്ക) : കല്‍ദായ സുറിയാനി സഭയുടെ പാത്രിയാര്‍ക്കീസ് മാറാന്‍ മാര്‍ അദ്ദായ് ഗീവര്‍ഗീസ് രണ്ടാമന്‍ (74) അന്തരിച്ചു. സംസ്‌കാരം പിന്നീട്.
വാര്‍ധക്യസഹജമായ രോഗത്താല്‍ ചികിത്സയിലായിരുന്നു. 1995 നവംബര്‍ 15 വരെ ഇന്ത്യയിലെ പൗര്യസ്ത്യ കല്‍ദായ സുറിയാനി സഭയുടെ പാത്രിയാര്‍ക്കീസായിരുന്നു.
1948 ജനു. 6ന് ഇറാഖിലെ മൊസൂളിലാണ് ജനിച്ചത്. 1972 ഫെബ്രു. 20 കാതോലിക്കോസ് പാത്രിയാര്‍ക്കീസായി സ്ഥാനമേറ്റു. ബാഗ്‌ദാദിലെ ബസ്രയാണ് ആസ്ഥാനം. മാറാന്‍ മാര്‍ തോമ ധര്‍മോ പാത്രിയാര്‍ക്കീസിന്റെ പിന്‍ഗാമിയാണ്. 50 വര്‍ഷം സഭയുടെ ആഗോള തലവനായിരുന്നു. ഇന്ത്യയിലെ കല്‍ദായ മെത്രാന്‍മാരായ ഡോ.മാര്‍ അപ്രേം, ഡോ.പൗലൂസ് മാര്‍ പൗലൂസ് എന്നിവര്‍ പാത്രിയാര്‍ക്കീസ് വാഴിക്കുന്ന പട്ടാഭിഷേക ശുശ്രൂഷയില്‍ കാര്‍മികരായിരുന്നു.
