തലശ്ശേരി: തലായില്‍ നിന്ന് മത്സ്യബന്ധനത്തിന് പോയി കാണാതായ 3 തൊഴിലാളികളെ കണ്ടെത്തി. 3 ദിവസം മുന്‍പ് കാണാതായ തിരുവനന്തപുരം സ്വദേശി ഡേവിഡ്സണ്‍, ചാലില്‍ സ്വദേശി ബാബു, ഗോപാല പേട്ട സ്വദേശി നിഷാന്ത് എന്നിവരെയാണ് അധികൃര്‍ രക്ഷിച്ചത്. മാഹിക്കടുത്ത് പുറം കടലില്‍ വച്ചാണ് തൊഴിലാളികളെ കണ്ടെത്തിയത്.കഴിഞ്ഞ 20-ാം തീയ്യതി 3 മത്സ്യതൊഴിലാളികളുമായി മത്സ്യബന്ധനത്തിന് പോയ സാറ വള്ളമാണ് കാണാതായത്. 23-ാം തീയ്യതി തിരിച്ചെതേണ്ടിയിരുന്ന ഇവര്‍ എത്താത്തതിനെ തുടര്‍ന്നാണ് ഇവര്‍ക്കായി അന്വേഷണം ആരംഭിച്ചത്. കണ്ണൂര്‍ കാസര്‍കോട് , കോഴിക്കോട് ജില്ലകളിലെ റസ്‌ക്യൂ ബോട്ട് കഴിഞ്ഞ രണ്ട് ദിവസമായി ഇവര്‍ക്കായി തെരച്ചില്‍ നടത്തിവരികയായിരുന്നു. തുടര്‍ന്നാണ് മൂവരേയും ഇ്ന്ന് കണ്ടെത്തിയത്. 2 എന്‍ജിനുകളും തകരാറിലായതിനാലാണ് ഇവര്‍ പുറംകടലില്‍ പെട്ടുപോയതെന്നും നിലവില്‍ ഇവര്‍ക്ക് ആരോഗ്യപ്രശ്‌നങ്ങളില്ലെന്നും ഫിഷറീസ് അസിസ്റ്റന്റ് ഡയറക്ടര്‍ ജുബ്‌നു പറഞ്ഞു
Trending Now
