നാദാപുരം : ഇ കെ വിഭാഗം സമസ്തയുടെ ട്രഷറര്‍ ചേലക്കാട് മുഹമ്മദ് മുസ്ലിയാര്‍ (91) അന്തരിച്ചു. വാര്‍ധക്യ സഹജമായ അസുഖത്തെ തുടര്‍ന്ന് വീട്ടില്‍ വിശ്രമത്തില്‍ കഴിയവെയാണ് മരണം. മയ്യിത്ത് നിസ്‌കാരം ഇന്ന് വൈകിട്ട് നാലിന് ചേലക്കാട് ജുമുഅത്ത് പള്ളിയില്‍. 2004 മുതല്‍ സമസ്ത കേരള ജംഇയ്യത്തുല്‍ ഉലമ (ഇ കെ വിഭാഗം) കേന്ദ്ര മുശാവറയില്‍ അംഗമായി പ്രവര്‍ത്തിച്ചുവരുന്ന അദ്ദേഹം സമസ്ത (ഇ കെ വിഭാഗം) കോഴിക്കോട് ജില്ലാ പ്രസിഡന്റ് കൂടിയാണ്.
മക്കള്‍: കുഞ്ഞബ്ദുല്ല, അഷ്റഫ്, അബ്ദുല്‍ ജലീല്‍ വാഫി, മറിയം, ആസ്യ. മരുമക്കള്‍: എം ടി ഹാഷിം തങ്ങള്‍, കുഞ്ഞബ്ദുല്ല കുളപറമ്പ് വാണിമേല്‍, ഹൈറുന്നിസ, സല്‍മ, നാഫില.
