ഡല്‍ഹി: വാഹനത്തില്‍ നിന്നിറങ്ങിയ മുഖ്യമന്ത്രി പിണറായി വിജയന് സമീപത്തേയ്ക്ക് ഓടിയെത്തി തെരുവുനായ. ഡല്‍ഹിയില്‍ വെച്ചായിരുന്നു സംഭവം.
പിബി യോഗത്തില്‍ പങ്കെടുക്കാനായി ഡല്‍ഹിയിലെ എ.കെ.ജി ഭവനില്‍ എത്തിയപ്പോഴായിരുന്നു പിണറായി വിജയന് സമീപത്തേക്ക് തെരുവുനായ ഓടിയെത്തിയത്. മുഖ്യമന്ത്രിക്ക് നേരെ വന്ന നായയെ സുരക്ഷാ ഉദ്യോഗസ്ഥര്‍ ആട്ടിയോടിച്ചു.
അതേസമയം, കേരളത്തില്‍ തെരുവുനായ ശല്യം രൂക്ഷമായി തുടരുകയാണ്. കഴിഞ്ഞ ദിവസം പത്തനംതിട്ടയില്‍ മജിസ്‌ട്രേറ്റിന് നായയുടെ കടിയേറ്റിരുന്നു. നഗരത്തിലെ ഒരു ജ്വല്ലറിയുടെ സുരക്ഷാജീവനക്കാരനും നായയുടെ കടിയേറ്റിട്ടുണ്ട്.
