ന്യൂഡല്‍ഹി: കനേഡിയന്‍ ടിക് ടോക് താരം മേഘ താക്കൂര്‍ അന്തരിച്ചു. രക്ഷിതാക്കളാണ് 21 കാരിയുടെ മരണ വാര്‍ത്ത പുറത്തു വിട്ടത്.
കാനഡയില്‍ വെച്ചായിരുന്നു അന്ത്യം.
മേഘയുടെ ഇന്‍സ്റ്റഗ്രാം പ്രൊഫൈലില്‍ നിന്നുള്ള പോസ്റ്റിലൂടെയാണ് രക്ഷിതാക്കള്‍ മരണ വാര്‍ത്ത പുറത്തുവിട്ടിരിക്കുന്നത്.
‘കനത്ത ദുഃഖത്തോടെയാണ് ഞങ്ങള്‍ ഇത് പ്രഖ്യാപിക്കുന്നത്, ഞങ്ങളുടെ ജീവിതത്തിന്റെ വെളിച്ചമായ, ദയയുള്ള, ഞങ്ങളെ നന്നായി നോക്കുന്ന മകള്‍ മേഘ താക്കൂര്‍, പെട്ടെന്ന് അപ്രതീക്ഷിതമായി നവംബര്‍ 24ന് പുലര്‍ച്ചെ മരണപ്പെട്ടു.’ – രക്ഷിതാക്കള്‍ മേഘയുടെ ഇന്‍സ്റ്റഗ്രാം പോസ്റ്റില്‍ കുറിച്ചു.
മേഘ ആത്മവിശ്വാസമുള്ള സ്വയം പര്യാപ്തയായ പെണ്‍കുട്ടിയായിരുന്നു. അവളുടെ അഭാവം ഞങ്ങളെ വല്ലാതെ വേദനിപ്പിക്കും. അവള്‍ ആരാധകരെ സ്നേഹിച്ചിരുന്നു. അവളുടെ മരണ വിവരം നിങ്ങളെ അറിയിക്കണമെന്നും അവള്‍ ആഗ്രഹിച്ചിരുന്നു. ഈ സമയം, മേഘക്ക് നിങ്ങളുടെ പ്രാര്‍ഥന വേണം. -രക്ഷിതാക്കള്‍ കുറിച്ചു.
