കോടഞ്ചേരി: തുഷാരഗിരിയിൽ തലയും ശരീരവും വേർപെട്ട നിലയിൽ കണ്ടെത്തിയ മൃതദേഹം മൈക്കാവ് കുഴിക്കനാംകണ്ടത്തിൽ കെ.പി. ബെന്നി (45) യുടേതാണെന്ന് സ്ഥിരീകരിച്ചു.
തുഷാരഗിരി പാലത്തിന് സമീപത്ത് കയറിൽ തൂങ്ങിയ നിലയിൽ പുരുഷന്റെ തല വിനോദസഞ്ചാരികൾ ആദ്യം കണ്ടു. തുടർന്ന് പാലത്തിന് താഴെയായി ശരീരം കണ്ടെത്തുകയായിരുന്നു.
സംഭവസ്ഥലത്ത് ഉപേക്ഷിച്ച നിലയിൽ ബൈക്കും ചെരിപ്പും കണ്ടെത്തി. പാലത്തിന്റെ കൈവരിയിൽ നിന്ന് താഴേക്ക് കയറിൽ തൂങ്ങിയ നിലയിലായിരുന്നു തല ഉണ്ടായിരുന്നത്.
വിവരം ലഭിച്ച കോടഞ്ചേരി പൊലീസ് സ്ഥലത്തെത്തി നടപടികൾ സ്വീകരിച്ചു. മൃതദേഹം കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റി. മരിച്ച ബെന്നി പുലിക്കയം കള്ള് ഷാപ്പ് ജീവനക്കാരനാണ്. ഭാര്യ: മേരി
