ഡോമിന്‍ ഡി സില്‍വ സംവിധാനം ചെയ്യുന്ന സ്റ്റാറില്‍ ജോജു ജോര്‍ജും, പൃഥ്വിരാജും ഒരുമിക്കുന്നു. ഇവരും ഷീലു എബ്രഹാമും പ്രധാന കഥാപാത്രങ്ങളെ അവതരിപ്പിക്കുന്ന ചിത്രം ഏപ്രിലില്‍ തിയേറ്ററുകളിലെത്തും. ചിത്രത്തില്‍ അതിഥി താരമായാണ് പൃഥ്വിരാജ് എത്തുന്നത്.
അബാം മൂവീസിന്റെ ബാനറില്‍ എബ്രഹാം മാത്യു നിര്‍മ്മിക്കുന്ന സിനിമ, ത്രില്ലര്‍ വിഭാഗത്തിലാണ് . നവാഗതനായ സുവിന്‍ എസ് സോമശേഖരന്റേതാണ് രചന. സാനിയ ബാബു, ശ്രീലക്ഷ്മി, തന്‍മയ് മിഥുന്‍, ജാഫര്‍ ഇടുക്കി, സബിത, ഷൈനി രാജന്‍, രാജേഷ് പുനലൂര്‍ തുടങ്ങിയവരാണ് മറ്റ് അഭിനേതാക്കള്‍.എം ജയചന്ദ്രനും രഞ്ജിന്‍ രാജും ചേര്‍ന്നാണ് ചിത്രത്തിലെ ഗാനങ്ങള്‍ക്ക് ഈണം പകരുന്നത്.
ഹരിനാരായണന്റേതാണ് വരികള്‍. ബാദുഷ പ്രൊജക്‌ട് ഡിസൈനര്‍, തരുണ്‍ ഭാസ്‌കരൻ ഛായാഗ്രഹണം, ലാല്‍ കൃഷ്ണൻ ചിത്രസംയോജനം, വില്യം ഫ്രാന്‍സിസ് പശ്ചാത്തല സംഗീതം, കമര്‍ എടക്കര കലാസംവിധാനം, അരുണ്‍ മനോഹര്‍ വസ്ത്രാലങ്കാരം, റോഷന്‍ എന്‍.ജി മേക്കപ്പ്, അജിത്ത് എം ജോര്‍ജ്ജ് സൗണ്ട് ഡിസൈൻ, റിച്ചാര്‍ഡ് പ്രൊഡക്ഷന്‍ കണ്‍ട്രോളര്‍ എന്നിവരാണ് പിന്നണിയിൽ.
