മലപ്പുറം: ടൂർണമെന്റിലെ മികച്ച ഫുട്ബോൾ കളിക്കാരന് സമ്മാനമായി നൽകിയത് 3 ലിറ്റർ പെട്രോൾ. മലപ്പുറം മങ്ങാട്ടുപുലത്തെ ടൂർണമെന്റ് സംഘാടകരാണ് ദിനംപ്രതി മൂല്യമേറുന്ന ഈ സമ്മാനം നൽകിയത്. മങ്ങാട്ടുപുലം ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ്ബ് നടത്തിയ വണ്‍ഡേ ഫ്‌ളഡ്‌ലൈറ്റ് ഫുട്‌ബോള്‍ ടൂര്‍ണമെന്‍റിലെ മികച്ച കളിക്കാരനായ ‘പാസ്‌ക് പിലാക്കല്‍’ ടീമംഗം അനസിനാണ് ഈ വിലയേറിയ സമ്മാനം ലഭിച്ചത്.
പെട്രോള്‍ വില വര്‍ധനക്കെതിരായ ക്രിയാത്മക പ്രതിഷേധം എന്ന നിലയിലാണ് പെട്രോള്‍ സമ്മാനമായി നല്‍കിയതെന്ന് ക്ലബ് പ്രസിഡന്റ് എം സമീര്‍ പറഞ്ഞു. 24 ടീമുകള്‍ പങ്കെടുത്ത ടൂര്‍ണമെന്‍റില്‍ പാസ്‌ക് പിലാക്കല്‍ ‘രാജകുടുംബം കോഴിക്കോടി’നെ തോല്‍പ്പിച്ച് ജേതാക്കളായി. ടൂർണമെന്റ് ഉദ്ഘടനത്തിനെത്തിയ അതിഥികൾക്ക് 1/2 ലിറ്റർ പെട്രോൾസമ്മാനവും നൽകിയിരുന്നു.
