പെരുവയൽ: നാടും നഗരവും ഇളക്കി മറിച്ച് കുന്ദമംഗലം നിയോജക മണ്ഡലം യു.ഡി.എഫ് സ്വതന്ത്ര സ്ഥാനാർത്ഥി ദിനേഷ് പെരുമണ്ണയുടെ റോഡ് ഷോ പന്തീരാങ്കാവിൽ നിന്നും തുടങ്ങി ഒളവണ്ണ ,പെരുമണ്ണ ,പെരുവയൽ ,മാവൂർ ,ചാത്തമംഗലം പഞ്ചായത്തുകളിൽ സഞ്ചരിച്ച് പെരുവയലിൽ സമാപിച്ചു.
കഴിഞ്ഞ പത്ത് വർഷങ്ങളായി വികസന മുരടിപ്പിൽ ദുരിതമനുഭവിക്കുന്ന മണ്ഡലത്തിലെ ജനങ്ങൾ ഏറെ പ്രതീക്ഷയോടെയാണ് ദിനേഷിൻ്റെ സ്ഥാനാർത്ഥിത്വത്തെ നോക്കിക്കാണുന്നത് .
ജനകീയ സമരങ്ങളിൽ നിറഞ്ഞ് നിൽക്കുന്ന ജന നായകനെ വരവേൽക്കാൻ ഓരോ പ്രദേശത്തും വൻ ജനക്കൂട്ടമാണെത്തുന്നത് .
ചെറുപ്പം മുതൽ പൊതുരംഗത്തെ നിറസാന്നിദ്ധ്യമായ ദിനേഷിൻ്റെ വരവ് ഇടത് ക്യാമ്പിൻ്റെ ഉറക്കം കെടുത്തുന്നുണ്ട് ,
ഉജ്വല വാഗ്മി കൂടിയായ ദിനേഷ് മണ്ഡലത്തിൽ നിറഞ്ഞു നിൽക്കുന്ന വ്യകതിത്വവും പൊതു സമ്മതനുമാണെന്നത് യു.ഡി.എഫിന് മുതൽക്കൂട്ടാവും .
റോഡ് ഷോ പന്തീരാങ്കാവിൽ നിയോജക മണ്ഡലം യു.ഡി.എഫ് ചെയർമാൻ മൊയ്തീൻ മാസ്റ്റർ പതാക കൈമാറി ഉദ്ഘാടനം നിർവ്വഹിച്ചു.
തെരഞ്ഞെടുപ്പ് കമ്മറ്റി ചെയർമാൻ ജയപ്രകാശ് ,ജനറൽ കൺവീനർ കെ.എ ഖാദർ മാസ്റ്റർ ,ട്രഷറർ കെ മൂസ മൗലവി ,എ.ടി ബഷീർ ,എം .പി കേളുക്കുട്ടി ,എം .പി മജീദ് ,എ ഷിയാലി ,കെ .പി കോയ, കെ.എം.എ റഷീദ് ,ഒ.എം നൗഷാദ് സംസാരിച്ചു.
