കൊടുങ്ങല്ലൂര്‍: ദേശീയ അവാര്‍ഡ് ജേതാവ് നടന്‍ സലിംകുമാറിനെ ചലച്ചിത്രോത്സവത്തില്‍നിന്ന് മാറ്റി നിര്‍ത്തിയതില്‍ പ്രതിഷേധിച്ച്‌ കോണ്‍ഗ്രസ് പ്രവര്‍ത്തകര്‍ ചലച്ചിത്ര അക്കാദമി ചെയര്‍മാന്‍ കമലിന്റെ കൊടുങ്ങല്ലൂരിലെ വീട്ടിലേക്ക് മാര്‍ച്ച്‌ നടത്തി. ഇന്ദിര ഭവനില്‍നിന്ന് ആരംഭിച്ച മാര്‍ച്ച്‌ കമലിന്റെ വീടിന്റെ 150 മീറ്റര്‍ അകലെ പൊലീസ് തടഞ്ഞു.
തുടര്‍ന്ന് നടന്ന പ്രതിഷേധയോഗം കോണ്‍ഗ്രസ് തൃശൂര്‍ ജില്ല ജനറല്‍ ജനറല്‍ സെക്രട്ടറി അഡ്വ. പി.എച്ച്‌. മഹേഷ് ഉദ്ഘാടനം ചെയ്തു. കൊടുങ്ങല്ലൂര്‍ മണ്ഡലം പ്രസിഡന്‍റ് ഇ.എസ്. സാബു അധ്യക്ഷത വഹിച്ചു. മേത്തല മണ്ഡലം പ്രസിഡന്‍റ് വി.എം. ജോണി, യൂത്ത് കോണ്‍ഗ്രസ് കൊടുങ്ങല്ലൂര്‍ നിയോജക മണ്ഡലം പ്രസിഡന്‍റ് വി.എസ്. അരുണ്‍രാജ് എന്നിവര്‍ സംസാരിച്ചു.
