അസമിൽ അവസാന ഘട്ട വോട്ടെടുപ്പിൽ 82 ശതമാനം പോളിംഗ് ..

ഗുവാഹത്തി : അസമിൽ മൂന്നാം ഘട്ട വോട്ടെടുപ്പ് പൂർത്തിയായി. അവസാന ഘട്ട തെരഞ്ഞെടുപ്പ് ദിവസമായ ഇന്ന് കനത്ത് പോളിംഗാണ് നടന്നത്. വൈകീട്ട് 7 മണി വരെ സംസ്ഥാനത്ത് 82 ശതമാനം പോളിംഗ് രേഖപ്പെടുത്തി. തെരഞ്ഞെടുപ്പ് നടന്ന അഞ്ച് സംസ്ഥാനങ്ങളിൽ അസമിലാണ് ഏറ്റവുമധികം പോളിംഗ് രേഖപ്പെടുത്തിയിട്ടുള്ളത്.ആദ്യ ഘട്ടത്തിൽ 77 ശതമാനവും രണ്ടാം ഘട്ടത്തിൽ 75 ശതമാനവും വോട്ടിംഗാണ് അസമിൽ നടന്നത്. സംസ്ഥാനത്തെ ശക്തമായ പോളിംഗ് രാഷ്ട്രീയ പാർട്ടികൾക്ക് മികച്ച പ്രതീക്ഷയാണ് നൽകിയിരിക്കുന്നത്.