സുബൈർ കുഞ്ഞു ഫൗണ്ടേഷന്റെ ആർട് ആൻഡ് ക്രാഫ്റ്റ് വിഭാഗമായ ക്രിയേറ്റിവ് മൈൻഡ്‌സ് റിയാദും കിഡ് സ് ക്രിയേഷൻസും സംയുക്തമായി ഓൺലൈൻ ഈദ് ദിനാഘോഷം സംഘടിപ്പിച്ചു.
ചെയർമാൻ ഡോ : എസ് അബ്ദുൾ അസീസിന്റെ ഈദാശംസയോടെ ആരംഭിച്ച പരിപാടിയിൽ കിഡ് സ് ക്രിയേഷൻസിലെ ആദിൽ, ഇസ്സ തഹ്‌സീൻ എന്നിവരുടെ പ്രസംഗം, അംന, ഷിഫ, ഷിബിൻ എന്നിവരുടെ നൃത്തം, ശാമിൽ, ഇൽഫ ആയിഷ റിയാസ്, സജ ഫാത്തിമ, ആയിഷ സൽവ എന്നിവരുടെ പാട്ടുകൾ, ഹസീൻ അവതരിപ്പിച്ച കഥ, നിഹ്മ റഷീദിന്റെ ഈദ് ക്രാഫ്റ്റ് എന്നിവയും ക്രിയേറ്റിവ് മൈൻഡ്‌സ് അംഗങ്ങളായ ജാസ്മിൻ റിയാസിന്റെ ഈദ് സന്ദേശവും ഫാത്തിമ ഈദ് ഹോം ഡെക്കോർ വീഡിയോ ഷോയും ശ്രദ്ധേയമായി. എസ് കെ എഫ് ഫാമിലി ഫോറം അംഗങ്ങൾ പരിപാടിയിൽ സജീവമായി. ഫർസാന പി.കെ സ്വാഗതവും ഷിഫ അബ്ദുൽഅസീസ് നന്ദിയും പറഞ്ഞു . മൻഷാദ് അംഗലത്തിൽ അവതാരകയായി.
