കണ്ണൂര്‍: കണ്ണൂര്‍ പൊതുവാച്ചേരില്‍ തേക്ക് മരം മോഷണവിവരം പോലീസിനെ അറിയിച്ച യുവാവിനെ കൊന്ന് കനാലില്‍ തള്ളിയ കേസില്‍ ഒരാള്‍ അറസ്റ്റില്‍. കണ്ണൂര്‍ പനയയത്താംപറമ്പ് സ്വദേശി പ്രശാന്ത് ആണ് അറസ്റ്റിലായത്. കൊലപാതകത്തില്‍ പങ്കാളിയായ ഇയാളുടെ സുഹൃത്ത് മിടാവിലോട് അബ്ദുള്‍ ഷുക്കൂര്‍ ഒളിവിലാണ്. ഇയാള്‍ കേരളം വിട്ടതായി പോലീസ് സംശയിക്കുന്നു. ഇവരുടെ സുഹൃത്ത് റിയാസിനെയും ഇന്നലെ കസ്റ്റഡിയില്‍ എടുത്തിരുന്നു.
ചക്കരക്കല്ല് സ്വദേശി ഇ.പ്രജീഷ് ആണ് കൊല്ലപ്പെട്ടത്. പ്രതികള്‍ ജാമ്യത്തിലിറങ്ങിയ ശേഷമാണ് പ്രജീഷിനെ കാണാതായത്. കനാലില്‍ ചാക്കില്‍ കെട്ടിയ നിലയിലാണ് പ്രജീഷിന്റെ മൃതദേഹം കണ്ടെത്തിയത്.
ഈ മാസം ഒമ്പതിനാണ് തേക്ക് മോഷണം നടന്നത്. ഇതുമായി ബന്ധപ്പെട്ട വിവരമാണ് പ്രജീഷ് പോലീസിന് നല്‍കിയത്.
Mediawings:
