മയ്യഴി: താമസ സ്ഥലത്തു നിന്ന് കഞ്ചാവ് ചെടി പിടികൂടിയതിനെത്തുടർന്ന് നാല് മറുനാടൻ തൊഴിലാളികളെ പോലീസ് അറസ്റ്റ് ചെയ്തു . ചെമ്പ്രയിലെ താഴെപ്പറമ്പത്ത് വീട്ടിൽ വാടകയ്ക്ക് താമസിക്കുകയായിരുന്ന നാല് ബംഗാൾ സ്വദേശികളെയാണ് അറസ്റ്റ് ചെയ്തത്.
പരാതി ലഭിച്ചതിനെത്തുടർന്ന് പള്ളൂർ പോലീസ് നടത്തിയ പരിശോധയിലാണ് കഞ്ചാവ് ചെടികൾ പിടികൂടിയത് . ബുധനാഴ്ച രാത്രിയാണ് സംഭവം . എസ് . ഫരീദ് (24), അബ്ദുൾ ഖാൻ (37) , സക്കീർ അലി ഷഹാ (29) , അമീർ അലി ഷഹാ (28) എന്നിവരെയാണ് എസ്. ഐ. പ്രതാപൻ അറസ്റ്റ് ചെയ്തത് .
മാഹി കോടതി ഇവരെ റിമാൻഡ് ചെയ്തു .
