പിണറായി പഞ്ചായത്തിൽ മാർച്ച് 25, 26, 27 തീയതികളിൽ ശുചീകരണ പ്രവർത്തനങ്ങൾ നടത്തുന്നു. ആരോഗ്യ സുരക്ഷ, മാലിന്യ മുക്ത കേരളം, തെളിനീർ ഒഴുകും കേരളം, ശുചിത്വ കേരളം തുടങ്ങിയ സർക്കാർ പദ്ധതികളുടെ ഭാഗമായി ആണ് ഈ പ്രവർത്തനങ്ങൾ.
നമ്മുടെ പുഴകൾ, തോടുകൾ, കിണറുകൾ, അരുവികൾ, തടാകങ്ങൾ തുടങ്ങി നമ്മുടെ ജല സ്ത്രോതസ്സുകളുടെ സംരക്ഷണം ഉറപ്പു വരുത്തുക, അത് പുതിയ തലമുറയെ പരിചയപ്പെടുത്തുക, നവകേരളം കെട്ടിപ്പടുക്കാനുള്ള സർക്കാർ ശ്രമങ്ങൾക്ക് പരിപൂർണ പിന്തുണ ഉറപ്പ് വരുത്തുക , അതിനായി ജനങ്ങളെയും ഉദ്യോഗസ്ഥ സമൂഹത്തെയും ഒപ്പം കൂട്ടാനും ഉള്ള ശ്രമങ്ങൾക്കായി പഞ്ചായത്ത് ഭരണ സമിതി മുന്നിട്ട് ഇറങ്ങുകയാണ്,
സംസ്ഥാനത്തിലെ മുഴുവൻ പഞ്ചായത്തുകളും ഇക്കാര്യത്തിൽ പിണറായി പഞ്ചായത്തിന്റെ മാതൃക സ്വീകരിച്ചു മുന്നോട്ട് വരുമെന്ന് പഞ്ചായത്ത് ഭരണ സമിതി പ്രത്യാശയും,ആഗ്രഹവും പ്രകടിപ്പിച്ചു.
