കുവൈത്ത് സിറ്റി: കുവൈത്തില്‍ ബലിപെരുന്നാള്‍ ജൂണ്‍ ആറിന് ആയിരിക്കുമെന്ന് അല്‍ ഉജൈരി സയന്‍റിഫിക് സെന്‍റര്‍. ഇസ്ലാമിക കലണ്ടറിലെ ദുല്‍ഹിജ്ജ 1446 ലെ ആദ്യത്തെ ചന്ദ്രക്കല 2025 മെയ് 28 ന് ബുധനാഴ്ച ദൃശ്യമാകും എന്ന് അല്‍ ഉജൈരി സയന്‍റിഫിക് സെന്‍റർ അറിയിച്ചു.
ഈ വർഷത്തെ അറഫാ ദിനം 2025 ജൂണ്‍ അഞ്ച് വ്യാഴാഴ്ച ആയിരിക്കും. ചന്ദ്രൻ അസ്തമിച്ചതിന് ശേഷം പുതിയ മാസത്തിലെ ചന്ദ്രക്കല ദൃശ്യമാകുന്ന ദിവസമായ 2025 മെയ് 27 ന്, ദുല്‍ഖഅദ ആയിരിക്കും.
കുവൈത്ത് ആകാശത്ത് 43 മിനിറ്റ് വരെ ഈ ചന്ദ്രക്കല കാണാൻ കഴിയും. അറബ്, ഇസ്ലാമിക രാജ്യ തലസ്ഥാനങ്ങളില്‍ ഇത് 40 മുതല്‍ 58 മിനിറ്റ് വരെ ദൃശ്യമാകും. 1446 ലെ ഈദുല്‍ അദ്ഹ 2025 ജൂണ്‍ 6 ന് വെള്ളിയാഴ്ച ആയിരിക്കും എന്നും സെന്‍റര്‍ അറിയിച്ചു.
