മുക്കം:നടുറോഡില് സ്ത്രീയെ ചവിട്ടിവീഴ്ത്തിയ ആള്ക്കെതിരെ കേസെടുത്ത് പൊലീസ്. തിരുവമ്പാടി ബിവറേജ് ഔട്ട്ലെറ്റിന് സമീപം ശനിയാഴ്ച വെെകിട്ട് നാലുമണിക്കാണ് സംഭവം നടന്നത്.ഇതിന്റെ ദൃശ്യങ്ങള് പുറത്തുവന്നതിന് പിന്നാലെയാണ് പൊലീസ് നടപടിയെടുത്തത്. തിരുവമ്പാടി സ്വദേശി ശിഹാബുദ്ദീനാണ് സ്ത്രീയെ ചവിട്ടിയത്. ഇയാള് മദ്യലഹരിയിലാണ് ആക്രമിച്ചതെന്നാണ് വിവരം.
റോഡിലൂടെ നടന്നുപോകുകയായിരുന്ന രണ്ടുസ്ത്രീകളില് ഒരാളുമായി ആദ്യം ഇയാള് വാക്കുതർക്കത്തില് ഏർപ്പെട്ടു. തർക്കത്തിനിടെ ഒരു സ്ത്രീ കാലിലെ ചെരുപ്പ് ഊരി ഇയാളെ അടിക്കാനോങ്ങുന്നുണ്ട്. ഇത് കണ്ട് പ്രകോപിതനായ ശിഹാബുദ്ദീൻ ഓടിയെത്തി സ്ത്രീയുടെ പുറകില് ചവിട്ടിവീഴുത്തുകയായിരുന്നു. സംഭവത്തിന്റെ സിസിടിവി ദൃശ്യങ്ങളാണ് പുറത്തുവന്നത്.
വീണശേഷം എഴുന്നേറ്റ സ്ത്രീയെ ഇയാള് ഭീഷണിപ്പെടുത്തുന്നതും ദൃശ്യങ്ങളില് കാണാം. പണപ്പിരിവുമായി ബന്ധപ്പെട്ട തർക്കമാണ് ഇവർക്കിടയില് ഉണ്ടായിരുന്നതെന്നാണ് സൂചന. സംഭവത്തില് സ്ത്രീ പരാതി നല്കിയിട്ടില്ല. മദ്യപിച്ചെത്തി പൊതുസ്ഥലത്ത് ശല്യം ഉണ്ടാക്കിയതിനാണ് പൊലീസ് കേസെടുത്തിരിക്കുന്നത്.