ദമ്മാമിൽ കുട്ടനാട് കൂട്ടായ്മയും ജനകീയ രക്തദാന സേനയും സംയുക്തമായി സംഘടിപ്പിച്ച രക്തദാന ക്യാമ്പ് “Give the Gift of Life” എന്ന സന്ദേശത്തിനോടൊപ്പം മഹത്തായ വിജയത്തിലേക്ക് നയിച്ചു.
“ഒരു ജീവന് പുതിയ ശ്വാസം നൽകാം” എന്ന ഉദ്ദേശ്യത്തോടെ നടന്ന ഈ ക്യാമ്പിൽ 50 പേർ രജിസ്റ്റർ ചെയ്തു, അതിൽ 37 പേർ രക്തദാനത്തിൽ പങ്കെടുത്തു.
നിരവധി വർഷങ്ങളായി രക്തദാനത്തിന്‍റെ പ്രചാരകനായ ശ്രീ ഷിനാജ് കരുനാഗപ്പള്ളിയെ ( ജനകീയ രക്തദാന സേന കോർഡിനേറ്റർ) ശ്രീ നവാസ് പുന്നപ്ര ചടങ്ങിൽ മൊമൊറ്റോ നൽകി ആദരിച്ചു.
ക്യാമ്പിന്റെ ഉദ്ഘാടനം ജനറൽ സെക്രട്ടറി ശ്രീ സജി മുട്ടാർ മോഴച്ചേരി നിർവ്വഹിച്ചു..
വൈ.പ്രസിഡന്റ് ശ്രീ വിനീഷ് അമ്പലപ്പുഴ, ശ്രീമതി മിനി സജി ജേക്കബ്, ഗോകുൽ അമ്പലപ്പുഴ, ലാജി കരുമാടി, മാർട്ടിൻ മുണ്ടയ്ക്കൽ, ബിന്ദു മാർട്ടിൻ, അൻസാർ ആലപ്പുഴ, റിയാസ് ആലപ്പുഴ, രാജീവ് ചെട്ടികുളങ്ങര തുടങ്ങിയവർ സജീവമായി നേതൃത്തംനല്കി.
ശാസ്ത്രീയവും സുരക്ഷിതവുമായ രക്തസമാഹരണവും, മനുഷ്യജീവിതത്തിന് അനിവാര്യമായ സംഭാവനയും ഉള്ള ഈ ക്യാമ്പിൽ പങ്കെടുത്ത എല്ലാവർക്കും കുട്ടനാട് കൂട്ടായ്മ ഹൃദയപൂർവ്വം നന്ദി രേഖപ്പെടുത്തുന്നു.
ഈ പ്രവർത്തനത്തിലൂടെ, കൂടുതൽ ആളുകൾ രക്തദാനത്തിനായി മുന്നോട്ടുവന്ന്, സമൂഹത്തിന്റെ ശുശ്രുഷയും രക്ഷയും ലക്ഷ്യമാക്കുന്ന ഒരു കാരുണ്യ പ്രവർത്തനത്തിൽ പങ്കാളികളാകുമെന്ന് പ്രതീക്ഷിക്കുന്നുവെന്നും സംഘാടകർ അറിയിച്ചു.
