മഞ്ജു വാരിയർ , സണ്ണി വൈൻ തുടങ്ങിയവർ മുഖ്യകഥാപാത്രമായെത്തുന്ന ചതുർ മുഖം റിലീസിന് ഒരുങ്ങുന്നു. ഫിക്ഷൻ ഹൊറർ രീതിയിൽ അവതരിപ്പിക്കുന്ന ചിത്രത്തിന്റെ ട്രൈലെർ പുറത്തിറങ്ങി.
സാങ്കേതികമികവ്, ചിത്രസംയോജനം,സൗണ്ട് മിക്സിങ്ങ് മുതലായ ആധുനിക സിനിമ സങ്കേതങ്ങൾ ഉപയോഗപ്പെടുത്തി നിർമ്മിക്കുന്ന ഈ ചിത്രം ഹൊറർ സിനിമാസ്വാദകർക്കു ഒരു പുത്തൻ അനുഭവമായിരിക്കും. പതിവ് രീതികളായ ശുഭ്രവസ്ത്ര ധാരിയായ പ്രേതമോ പാട്ടുകളോ ഇല്ലാതെ തന്നെ ഒരു പ്രേതകഥ എങ്ങിനെ ആസ്വാദകരമാകാം എന്ന രീതിയിൽ ഒരു പുതിയ അനുഭവമായിരിക്കും ഈ സിനിമ എന്നാണ് അണിയറപ്രവർത്തകരുടെ അഭിപ്രായം.
നിരഞ്ജന അനൂപ്, ശ്യാമപ്രസാദ്, ശ്രീകാന്ത് മുരളി, റോണി ഡേവിഡ്, നവാസ് വള്ളിക്കുന്ന്, ഷാജു ശ്രീധര്‍, കലാഭവൻ പ്രജോദ് തുടങ്ങി ഒരു നീണ്ട നിര ഇതിൽ പ്രധാന വേഷങ്ങളിൽ എത്തുന്നുണ്ട്.
