നാദാപുരം: എല്‍.ഡി.എഫിന് തുടര്‍ഭരണം ലഭിച്ചാല്‍ കേരളം ബംഗാളായി മാറുമെന്നും 40 കൊല്ലം ബംഗാള്‍ ജനത അനുഭവിച്ച വികസന മുരടിപ്പാണോ നമുക്ക് വേണ്ടതെന്നും എ. ഐ. സി. സി ജനറല്‍ സെക്രട്ടറി കെ. സി. വേണുഗോപാല്‍ ചോദിച്ചു. തൂണേരിയില്‍ യു.ഡി.എഫ് തെരഞ്ഞെടുപ്പ് പൊതുയോഗം ഉദ്ഘാടനം ചെയ്യുകയായിരുന്നു അദ്ദേഹം.
മുഖ്യമന്ത്രിക്കും ബന്ധു ജനങ്ങള്‍ക്കും മാത്രം വേണ്ട ഭരണമാണ് ഇപ്പോള്‍ കേരളത്തില്‍ നടക്കുന്നതെന്നും അദ്ദേഹം പറഞ്ഞു. സൂപ്പി നരിക്കാട്ടേരി അധ്യക്ഷത വഹിച്ചു. സ്ഥാനാര്‍ഥി പ്രവീണ്‍ കുമാര്‍, വി. എം. ചന്ദ്രന്‍, എന്‍. കെ. മൂസ, കെ. പി. രാജന്‍ എന്നിവര്‍ സംസാരിച്ചു.
