മുംബൈ: ശിവസേന വിമത നേതാവ് ഏക്നാഥ് ഷിൻഡെ മഹാരാഷ്ട്ര മുഖ്യമന്ത്രിയാകും. ബിജെപി നേതാവ് ദേവേന്ദ്ര ഫഡ്നാവിസ് ആണ് പ്രഖ്യാപനം നടത്തിയത്. ഇന്ന് രാത്രി 7.30 ന് സത്യപ്രതിജ്ഞ നടക്കും. രാജ്ഭവനിൽ എത്തി ഗവർണറെ കണ്ട ശേഷം ഇരുവരും സംയുക്ത വാർത്താ സമ്മേളനം നടത്തുകയായിരുന്നു. ഗവർണർ ഭഗത് സിങ് കൊഷ്യാരിയുമായി കൂടിക്കാഴ്ച നടത്തിയ ഫഡ്നാവിസും ഷിൻഡെയും സർക്കാർ രൂപീകരണത്തിനുള്ള അവകാശവാദം ഉന്നയിച്ചു. 2019 ലെ നിയമസഭാ തെരഞ്ഞെടുപ്പിൽ ജനം വോട്ട് ചെയ്തത് ബിജെപി-ശിവസേന സഖ്യത്തിനാണെന്നും ജനവിധിയെ അപമാനിച്ചാണ് മഹാ വികാസ് അഗാഡി സഖ്യം രൂപീകരിച്ചതെന്നും ഫഡ്നാവിസ് തുറന്നടിച്ചു. അതേസമയം ദേവേന്ദ്ര ഫഡ്നാവിസ് മന്ത്രിസഭയുടെ ഭാഗമാകില്ല.
By..Amaal Mariam
www.mediawings.in
