കൊച്ചി: സംസ്ഥാനത്ത് ഇന്ധനവിലയുടെ കുതിപ്പ് കിതപ്പില്ലാതെ തുടരുന്നു. തുടർച്ചയായ നാലാം ദിവസവും ഇന്ധനവില വർധിച്ചു. പെട്രോളിനു 25 പൈസയുടെയും ഡീസലിന് 32 പൈസയുടെയുമാണ് ഇന്ന് കൂടിയത്.
തിരുവനന്തപുരത്തു പെട്രോള് വില 90 രൂപയ്ക്കടുത്തെത്തി. തിരുവനന്തപുരം പാറശാലയിൽ പെട്രോൾ വില 89.93 രൂപയാണു ഇന്നത്തെ പെട്രോള് വില. തിരുവനന്തപുരം നഗരത്തിൽ പെട്രോളിന് 89.73 രൂപയും. ഡീസല്‍ 83.91 രൂപയുമാണ് വില.
കൊച്ചിയിൽ പെട്രോൾ വില 88 രൂപ കടന്നു. കൊച്ചിയിൽ പെട്രോള് വില നിലവിൽ 88.10 രൂപയും ഡീസല്‍ വില 82.40 രൂപയുമാണ്. നിലവിലെ വര്‍ധന തുടര്‍ന്നാല്‍ ഈ ആഴ്ചതന്നെ തലസ്ഥാനത്ത് ഇന്ധനവില 90 രൂപ പിന്നിടും.
ജനുവരി ഒന്നിനു കൊച്ചിയില്‍ പെട്രോള് വില ലിറ്ററിന് 84.08 രൂപയും ഡീസല്‍ വില 78.12 രൂപയുമായിരുന്നു.
