അമ്പലവയൽ : അമ്പലവയൽ വികാസ് കോളനിക്ക് സമീപമുള്ള കരിങ്കൽ ക്വാറിക്കുളത്തിൽ ചാടിയ യുവതിയുടെ മൃതദേഹം കണ്ടെത്തി. അമ്പലവയൽ ചീങ്ങേരി കോളനിയിലെ പാത്തിവയൽ വീട്ടിൽ രാജന്റെ മകൾ പ്രവീണ (21) ആണ് മരിച്ചത്. ബത്തേരി അഗ്‌നിരക്ഷാ സേനയാണ് മൃതദേഹം കണ്ടെടുത്തത്. പ്രവീണ സുൽത്താൻ ബത്തേരി അസംപ്ഷൻ ആശുപത്രിയിൽ എക്‌സ്‌റേ ടെക്‌നിഷ്യൻ പഠനത്തിലായിരുന്നു.
ബുധനാഴ്ച രാവിലെ ഒമ്പത് മണിയോടെയാണ് സംഭവം. പ്രവീണയെ കാണാത്തതിനെ തുടർന്ന് നടത്തിയ അന്വേഷണത്തിനൊടുവിലാണ് ക്വാറിക്കുളത്തിൽ നിന്നും മൃതദേഹം കണ്ടെടുത്തത്. യുവതി ആത്മഹത്യ ചെയ്തതാണെന്നാണ് സൂചന.
സ്റ്റേഷൻ ഇൻ ചാർജ് പി കെ ഭരതൻ, ഗ്രേഡ് അസി. സ്റ്റേഷൻ ഓഫീസർമാരായ എൻ ബാലകൃഷ്ണൻ, ഐ ജോസഫ് , സി ടി സെയ്തലവി, ഫയർ ഓഫീസർമാരായ കെ കെ മോഹനൻ, കെ സിജു, എ ഡി നിബിൽ ദാസ്, എ ബി വിനീത്, അഖിൽ രാജ്, കെ അജിൽ, പി സ് സുജയ് ശങ്കർ, എ ബി സതീഷ്, ഹോംഗാർഡ്മാരായ പി കെ ശശീന്ദ്രൻ, ഫിലിപ്പ് അബഹാം, ഷിനോ ജ് ഫ്രാൻസിസ്, ഫയർ ഓഫീസർമാരായ കീർത്തിക് കുമാർ, പി ഡി അനുറാം തുടങ്ങിയവരും സംഘത്തിലുണ്ടായിരുന്നു.
ആത്മഹത്യ ഒന്നിനും പരിഹാരമല്ല
നിങ്ങള്‍ ഒറ്റയ്ക്കല്ല. സഹായം തേടാം ഉടനെ. ദയവായി വിളിക്കൂ;
ദിശ ഹെല്‍പ്പ്‍ലൈന്‍ – 1056 (ടോള്‍ ഫ്രീ)
