തിരുവനന്തപുരം:-കല്ലമ്പലം ചാത്തമ്പാറയിൽ ഒരു കുടുംബത്തിലെ അഞ്ച് പേർ മരിച്ച നിലയിൽ. ചാത്തൻപാറ സ്വദേശി മണിക്കുട്ടനും (തട്ടുകട കുട്ടൻ) കുടുംബവുമാണ് മരിച്ചത്. മണിക്കുട്ടൻ, ഭാര്യ, രണ്ട് മക്കൾ, അമ്മയുടെ സഹോദരി എന്നിവരാണ് മരിച്ചത്.
രാവിലെ ആറ് മണിയോടെയാണ് സംഭവം പുറത്തറിഞ്ഞത്. ഭാര്യയും രണ്ടു മക്കളും മാതൃസഹോദരിയും വിഷം കഴിച്ച് മരിച്ച നിലയിലും മണിക്കുട്ടനെ തൂങ്ങി മരിച്ച നിലയിലും ആണ് കണ്ടെത്തിയത്.
ചാത്തമ്പറ കടയിൽ വീട്ടിൽ കുട്ടൻ എന്ന് വിളിക്കുന്ന മണിക്കുട്ടൻ (50) ഭാര്യ സന്ധ്യ (45), മക്കളായ അജീഷ് (16), അമയ (14) , കുട്ടന്റെ കുഞ്ഞമ്മ ദേവകി (70) എന്നിവരെയാണ് ഇന്ന് രാവിലെ ആത്മഹത്യ ചെയ്ത നിലയിൽ കണ്ടത്. മരിച്ച മണിക്കുട്ടന്‍റെ കല്ലമ്പലം ചാത്തമ്പാറ ഉള്ള തട്ടുകട വൃത്തിഹീനമായ അന്തരീഷത്തിലായതു കൊണ്ട് നഗരൂർ പഞ്ചായത്ത് ഹെൽത്ത് സ്ക്വാഡ് പരിശോധന നടത്തിയ ശേഷം മുന്നറിയിപ്പ് നൽകിയിരുന്നുവെന്ന് നാട്ടുകാര്‍ പറഞ്ഞു.
രണ്ടു ദിവസമായി കട തുറക്കുന്നില്ലായിരുന്നുവെന്നും കടബാധ്യത ഉണ്ടന്നും നാട്ടുകാർ പറയുന്നു. എന്നാല്‍ ഇതാണോ ആത്മഹത്യക്ക് കാരണമെന്ന് വ്യക്തമല്ല. ആത്മഹത്യയാണെന്ന് സംശയമുണ്ട്. അതല്ലെങ്കില്‍ മറ്റുള്ളവര്‍ക്ക് വിഷം നല്‍കിയ ശേഷം മണിക്കുട്ടന്‍ തൂങ്ങി മരിച്ചതാണോ എന്നകാര്യവും പോലീസ് പരിശോധിക്കുന്നുണ്ട്.
www.mediawings.in
